Ombre - 24 Grana

'e penziere nun me lassano mai,
sò pirati e spade attuorno a me
'nu furziere 'e storie a nun fernì
e quante vvote veco sulo
fili agitati che me 'ncantano,
ca me sto zitto dint''o scuro, senza capì.
'E vote 'e cose nun succedono
e 'sti pensieri un me lassano,
se sò cattivi, piglia e scassano
senza pavà
certe jurnate un passano mai,
sò fierri filate attuorno a me
nu rusario 'e scuse a nun fernì
e chelli vvote veco sulo
facce gelate cà me guardano
ca si 'a fenesta è aperta, a chiudo senza parlà.
'E vote 'e cose nun succedono
e sò jurnate cà nun contano,
se 'e stajee cercanno piglia e passano,
senza guardà
'e cumpagne nun bastano mai
quanno tiene 'o munno annanzo a te
ma nun tiene 'o tiempo 'e ce trasì...
'E vote 'e cose nun succedono
e sò jurnate cà nun contano,
se 'e staje cercanno piglia e passano
senza guardà
'e vote 'e cose nun succedono
e 'sti pensieri nun me lassano
se sò cattivi, piglia e scassano
senza pavà.