Nun Te Scurdà - Almamegretta

'e ssentevo quanno ero figliola, 'o cchiammavano ammore
chellu fuoco ca te nasce mpietto e ca maje se ne more
'e ccumpagne parlavano zitto 'e na cosa scurnosa
ca na femmena 'a fa sulamente 'o mumento ca sposa
e pure si sposa nun songo stata maje
saccio comme volle 'o sanghe e 'o core sbatte forte assaje
quanno 'a voce d'a passione chiamma a te
quanno zitto int' 'a na recchia tu te siente 'e murmulià
nun te scurdà nun te scurdà
nun te scurdà pecchè sta vita se ne va
nun te scurdà, maje 'e te
nun te scurdà nun te scurdà
nun t' 'o scurdà pecchè si no che campe a fà
nun te scurdà 'e te maje
e tanto 'e llammore ca 'a sciorta m'a miso int' 'e mmane
ca 'o vvengo e 'a ggente pé chesto me chiamma puttana
nun'aggio maje saputo stà carcerata int' 'a casa
a chi me schifa dico vuò vedé
ca 'o cuorpo tu t' 'o vinne comme a me
nun me suppuorte e chest' 'o ssaccio già
ì songo 'o specchio addù nun te vulisse maje guardà
nun te scurdà nun te scurdà
nun te scurdà pecchè sta vita se ne va
nunte scurdà, maje 'e te
nun te scurdà nun te scurdà
nun t' 'o scurdà pecchè si no che campe a fà
nun te scurdà 'e te, maje.
Mamma, puttana o brutta copia 'e n'ommo
chest'è na femmena int' 'a chesta parte 'e munno
ca quanno nasce a cchesto è destinata
e si 'a cummanna 'o core d' 'a ggente è cundannata.
Mamma, puttana o brutta copia 'e n'ommo
avesse voluto 'e cchiù int' 'a chesta parte 'e munno
apprezzata no p' 'e mascule sgravate no p' 'e chisto
cuorpo bello no p' 'e mazzate che aggio dato
sulamente pecchè femmena sò stata
e n
nu catenaccio 'o core nun me l'aggio maje nzerrato
sulamente pecchè femmena sò stata
sulamente femmena...
Nun te scurdà nun te scurdà
nun te scurdà pecchè sta vita se ne va
nun te scurdà, maje 'e te
nun te scurdà nun te scurdà
nun t' 'o scurdà pecchè si no che campe a fà
nun te scurdà 'e te, maje.